რიონი კაპიტალმა საბროკერო ლიცენზიის მისაღებად საქართველოს ეროვნულ ბანკში დოკუმენტები წარადგინა
რიონი კაპიტალმა ოფიციალურად წარადგინა საქართველოს ეროვნულ ბანკში საბროკერო ლიცენზიის მისაღებად საჭირო დოკუმენტების პაკეტი. ამ ეტაპს წინ უძღოდა ორწლიანი მოსამზადებელი პერიოდი, რომლის ფარგლებშიც შეიქმნა კომპანიის ტექნოლოგიური საფუძველი, შემუშავდა საჭირო პროგრამული უზრუნველყოფა, დასრულდა მოლაპარაკებები და მიღწეულ იქნა შეთანხმებები ზემდგომ ბროკერებთან.
ამ დროის განმავლობაში ასევე ჩამოყალიბდა გუნდი, მომზადდა აუცილებელი დოკუმენტაცია და შემუშავდა შიდა პროცედურები, რომლებიც საჭიროა ოპერაციული საქმიანობის დასაწყებად რეგულატორულ მოთხოვნებთან შესაბამისობაში.
კომპანია იმედოვნებს, რომ უახლოეს პერიოდში საქართველოს ეროვნული ბანკი ჩაატარებს წარმოდგენილი მასალების ექსპერტულ შემოწმებას და მიიღებს გადაწყვეტილებას რიონი კაპიტალისთვის საბროკერო ლიცენზიის გაცემის შესახებ.
